(५८) जेव्हा यांच्यापैकी एखाद्याला मुलीच्या जन्माची खूशखबर देण्यात येते तेव्हा त्याच्या चेहर्यावर काळिमा पसरतो व तो रक्तासमान घोट गिळून बसतो.
(५९) लोकांपासून लपत छपत फिरतो की या वाईट बातमीनंतर कोणाला काय तोंड दाखवावयाचे, विचार करतो की अपमानित होऊन मुलीला घेऊन राहावे अथवा मातीत गाडावे? पाहा, कसे वाईट निर्णय आहेत, जे हे अल्लाहसंबंधी लावतात.१६
(६०) वाईट विशेषणे लावण्यालायक तर ते लोक आहेत जे पारलौकिक जीवनावर विश्वास ठेवत नाहीत, अल्लाहसाठी सर्वात उच्च विशेषणे आहेत, तोच तर सर्वांवर प्रभुत्वसंपन्न आणि बुद्धिमत्तेत परिपूर्ण आहे.
(६१) जर एखादे वेळी लोकांना अल्लाहने त्यांच्या अत्याचारांबद्दल लगेच पकडले असते तर भूतलावर कोणत्याही सजीवाला सोडले नसते. परंतु तो सर्वांना एका ठराविक कालावधीपर्यंत सवड देतो, मग जेव्हा ती वेळ येऊन ठेपते तेव्हा तिच्यापेक्षा कोणीही एक क्षणभरदेखील मागे पुढे होऊ शकत नाही.
(६२) आज हे लोक ते काही अल्लाहसाठी योजीत आहेत जे आपल्या स्वत:साठी यांना नापसंत आहेत. त्यांच्यासाठी सर्व काही ठीक असल्याचे त्यांच्या जिव्हा खोटे कथन करतात. यांच्यासाठी तर एकच ठिकाण आहे आणि ते आहे नरकाग्नी. निश्चितच हे सर्वांच्या अगोदर त्यात पोहचविले जातील.
१४) अरब अनेकेश्वरवाद्यांच्या उपास्यांत देव कमी होते व देवी जास्त होत्या व त्या ईश्वरकन्या आहेत अशी त्या देवींसंबंधी त्यांची धारणा होती. त्याचप्रमाणे फरिश्त्यांनादेखील ते अल्लाहच्या मुली ठरवीत असत.
१५) अर्थात मुले.
१६) म्हणजे स्वत:साठी ज्या मुली असण्याला हे लोक इतके लज्जास्पद व अपमानास्पद समजतात, अल्लाहसाठी तेच नि:संकोचपणे योजतात.
Post a Comment