Halloween Costume ideas 2015

जयभीम


21 व्या शतकातही पोलीस कशा पद्धतीने औपनिवेशिक काळातील ब्रिटिश पोलिसांच्या मानसिकतेत जगत आहेत, याचे सशक्त चित्रण जयभीम या चित्रपटातून दाखविले गेले आहे. मोठ्या पडद्यावरील चित्रपट पाहण्याची सवय गेल्या दोन वर्षात मागे पडलेली असताना ओटीटी प्लेटफॉर्मवर मोबाईलच्या छोट्या पडद्यावरसुद्धा जय भीमने असा चमत्कार घडविला की, देश ढवळून निघाला. आता तर हा चित्रपट मोठ्या पडद्यावरही उपलब्ध आहे. तामील नायक सूर्या ने यात अ‍ॅड. चंद्रू यांची भूमीका केलेली आहे. हा चित्रपट एका खऱ्याखुऱ्या घटनेवर आधारित असून, जी की 1993 मध्ये घडली होती. तामिळनाडूच्या मुदन्नी गावामध्ये कुरवा आदिवासी समुदायाच्या चार कुटुंब राहत होते. ते एवढे गरीब होते की शेतातील उंदीर मारून आपला उदरनिर्वाह चालवायचे. यातील एका परिवाराचा प्रमुख राजकन्नू आणि त्याची पत्नी सेंगई हे उंदीर मारण्याबरोबर सर्प पकडण्याचेही काम करतात. गावातील सरपंचाच्या घरात सर्प निघाला आहे, असा निरोप मिळाल्यावर राजकन्नू तो सर्प पकडण्यासाठी सरपंचाच्या घरात जातो. त्याच दिवशी सरपंचाच्या पत्नीचे दागिने चोरी जातात. ती चोरी दुसराच व्यक्ती करतो. परंतु, पोलीस राजकन्नू सेंगई, राजकन्नूचा भाऊ आणि इतर गरीब आदिवासींना अटक करून (कारण की त्यांची जमात गुन्हेगार जमात म्हणून सरकारलेखी नोंदविलेली असते) असा अमानवीय छळ करतात की, कोठडीतील पोलीस अत्याचारांचे दृश्य पाहून अंगावर काटा येतो. स्थानिक पोलीस ठाण्याचा फौजदार हा त्यांना गुन्हा कुबूल करण्यासाठी अतिशय प्रताडित करतो. इतका की, त्यात राजकन्नूचा मृत्यू होतो आणि त्याचे प्रेत पाँडेचरीच्या हद्दीमध्ये टाकून त्याच्या सोबतच्या ताब्यात घेतलेल्या नातेवाईकांना पाँडेचेरीच्याच एका पोलीस ठाण्यामध्ये खोटा गुन्हा नोंदवून स्थानिक पोलीसांच्या सहकार्याने पाँडेचेरिच्या तुरूंगामध्ये डांबून पोलीस निर्धास्त होवून जातात. परंतु, अ‍ॅड. चंद्रू जे की पुढे मद्रास हायकोर्टचे न्यायाधीश म्हणून निवृत्त झाले. त्यांनी स्वतः या प्रकरणात तपास करून पोलीसांचा गुन्हा उघडकीस आणला. एवढेच नव्हे तर त्यांना शिक्षाही घडवून आणली. हे सर्व करत असतांना त्यांना जो समाजाकडून, पोलिसांकडून आणि राजकारण्यांकडून विरोध झाला त्याचे जीवंत चित्रण या चित्रपटात करण्यात आलेले आहे. पोलीस गरीबांविरूद्ध कसे अत्याचार करतात याचे दर्शन या चित्रपटात करण्यात आलेले आहे. 


 

Post a Comment

statcounter

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget