महिलांसाठी सरकारतर्फे विनामूल्य काही सुविधा उपलब्ध असतात त्यांचा महिलांनी लाभ घ्यावा, असे आवाहन ‘गल्र्स इस्लामिक ऑर्गनाइजेशन ऑफ इंडिया’ व जमाअत ए इस्लामी हिंद स्थानिक महिला विभागातर्फे ‘महिला दिना’निमित्त आयोजित करण्यात आलेल्या कार्यक्रमाच्या प्रमुख पाहुण्या चेतना दीक्षित (संचालक, बाल विकास महिला मंडळ, ठाणे) यांनी आपल्या भाषणात केले.
त्यांनी विशेषकरून मुलींच्या शिक्षणावर विस्तृत चर्चा करताना सांगितले की आम्हाला महिला डॉक्टर तर हव्यात पण आम्ही आमच्या मुलींना शिकवू इच्छित नाही! हे आमचे दुर्दैव आहे.
कार्यक्रमाची सुरूवात आलिया रूमाना (सदस्य, जी.आय.ओ.) यांच्या ़कुरआन पठणाने झाली. जमाआत ए इस्लामी हिंद महिला विभागातर्फे तय्यबा मलिक यांनी ‘इस्लाममध्ये महिलांचे स्थान’ या विषयावर आपले मत व्यक्त केले. जमाअतच्या स्थानिक महिला विभागप्रमुख मदीना अन्सारी यांनी ‘समाजात रुजलेली हुंडा प्रथा’ या विषयावर आपले विचार प्रकट केले.
सदर कार्यक्रमात १५० ते २०० महिला आणि मुली सहभागी झाल्या होत्या.
या वेळी कुरआनच्या काही अनुवादित प्रती मान्यवरांना भेट म्हणून देण्यात आल्या.
Post a Comment