Halloween Costume ideas 2015

घरगुती गॅसची उज्ज्वल वेदना

सरकारच्या ‘उज्ज्वला योजने’द्वारे दोन कोटी तीस लाख ग्राहकांना गॅस पुरवठा करण्यात आला आलेला आहे. त्यासाठी सकार सबसिडीही ग्राहकांच्या बँकेच्या खात्यात जमा करीत आहे. या योजनेद्वारे अडीच कोटी गॅसधारक पाठीमागे एक लाख नोकऱ्या निर्मितीचीही घोषणा करण्यात आलेली आहे. परंतु कसल्या नोकऱ्या आणि त्या किती पगाराच्या याची काही माहिती नाही.
मध्यतरीच्या काळात सरकारने सक्षम गॅसधारकांनी सबसिडीची मदत नाकारावी म्हणून आवाहनही केले होते. त्याद्वारे सरकारला एकवीस हजार कोटी रुपयांची बचत झाल्याचीही माहिती जाहीर झालेली होती. परंतु नंतर कॅगच्या अहवालानुसार स्पष्ट झाले की, फक्त १७६४ कोटी रुपयांची त्याद्वारे बचत झाल्याचे आढळलेले आहे. बाकीची बचत आंतरराष्ट्रीय बाजारात गॅसच्या किमती घसरल्या म्हणून झालेली आहे.
पूर्वी पेट्रोल पंपावर एक रुपया जरी इंधनतेलाचा भाव वाढला तरी ग्राहकांची नाराजी उफाळून यायची, परंतु इंधन तेलाच्या भावाची रोजची चढउतार होऊ लागल्यामुळे गेल्या सहा महिन्यांत सोळा रुपये अशी पेट्रोल पंपावर घसघशीत वाढ झाल्याची खबर बेदखल झाली.
रोजच्या अशा करामतींमुळे घरगुती गॅसची भाववाढही जनतेच्या लक्षात येत नाही, सर्वसामान्य जणांना त्यामुळे दरवाढीची लागायची धग लागत नाही.
- ज्ञानेश्वर भि. गावडे, फोर्ट, मुंबई.
Labels:

Post a comment

statcounter

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget