Halloween Costume ideas 2015

कोनगावच्या ऐतिहासिक गणेश घाटावर ‘दावत-ए-इफ्तार’


सध्या मुस्लिम बांधवांचा पवित्र रमजान महिना सुरू असून एकात्मता, भाईचारा या भूमिकेतून त्यानिमित्ताने गावात विविध ठिकाणी सामाजिक संस्था व राजकीय पक्षांच्या वतीने रोजा इफ्तार कार्यक्रम आयोजित केले जात आहेत. भिवंडी परिमंडळ 2 अंतर्गत कोनगाव पोलीस स्टेशन व कोनतरी मुस्लिम समाज यांच्या संयुक्त विद्यमाने मुस्लिम बांधवांसाठी ‘दावत-ए-इफ्तार’ चे रविवार दि. २४ एप्रिल रोजी सायंकाळी आयोजन करण्यात आले होते. या वेळी शहरातील मान्यवरांसह मुस्लिम बांधव मोठ्या संख्येने उपस्थित होते.

कोनगाव (भिवंडी) 

 गावच्या सरपंच डॉ. रुपाली अमोल कराळे यांनी आपल्या भाषणात रोजाचे महत्त्व व रमजानच्या शुभेच्छा दिल्या तर क्राईम पोलीस इन्स्पेक्टर राजेंद्र पवार यांनी मुस्लिम बांधवांनी आतापर्यंत केलेल्या सहकार्याची स्तुती केली आणि यापुढेही कायदा व सुव्यवस्था पाळण्याचे आवाहन केले.

या इफ्तार कार्यक्रमासाठी आठगाव शिक्षण मंडळाचे सेक्रेटरी बाळाराम कराळे, उपसरपंच मधू चंद्रकांत म्हात्रे, माजी उपसरपंच तजीन करेल, कृतिका प्रमोद पाटील, अशोक बळीराम म्हात्रे, कमलाकर रवींद्र नाईक, दर्शन रमाकांत म्हात्रे, सुनील बळीराम म्हात्रे, जयंत टावरे सर, कृषी बाजार समितीचे संचालक बाळू पाटील, भाजपाचे ठाणे जिल्हा उपाध्यक्ष चंद्रकांत पाटील, भाजपा भिवंडी विधानसभा अध्यक्ष प्रमोद पाटील, भाजपा कोनगाव अध्यक्ष चारुदत्त पाटील, भाजपा कोन शहर अध्यक्ष हनुमान म्हात्रे, आरपीआय भिवंडी तालुका अध्यक्ष भरत जाधव, भाजपा कल्याण अझहर काझी, भाजपा वाहतुक आघाडी भिवंडी तालुका अध्यक्ष संतोश पाटील, रेखा हनुमान म्हात्रे, कोन ग्रा.पं. सदस्या, उज्वला कराळे कोन ग्रा.पं. सदस्या, बेटी बचाव-बेटी पढाव महाराष्ट्र प्रदेश सदस्य डॉ. अमोल कराळे, शिवसेना अल्पसंख्याक कल्याण तालुका अध्यक्ष असलम खांडे, विशेष कार्यकारी अधिकारी डॉ.प्रा. विनोद पाटील, जमाअत ए इस्लामी हिंद कोन युनिटचे अध्यक्ष इंतेखाब आलम, शोधन साप्ताहिकचे कार्यकारी संपादक शाहजहान मगदूम, कोनगाव पोलीस स्टेशन पोलीस निरीक्षक, पोलीस बंधू, मुस्लिम बांधव, मुस्लिमेतर बंधू आदी शेकडो लोकांनी सहभाग घेतला, कार्यक्रम यशस्वी करण्यासाठी फरदीन मो. अली करेल यांनी विशेष परिश्रम घेतले व सूत्रसंचालन अफसर खान यांनी केले.

दुसऱ्या अशाच ‘दावत-ए-इफ्तार’चे आयोजन सुनील म्हात्रे -माजी उपसरपंच कोनगाव व मीना सुनील म्हात्रे यांनी ड्रीम कॉम्प्लेक्समध्ये केले. त्याही कार्यक्रमात असंख्य लोकांनी सहभाग घेतला.

शिवाय जमील शेख, तोराब, इम्तियाज, सलीम, अली, आदींनी फाळके कॉलनीमध्ये अशाच प्रकारचे दावत-ए-इफतारच्या कार्यक्रमाचे आयोजन केले होते. वरील दोन्हीही कार्यक्रमात कोनगाव पोलीस स्टेशनचे वरिष्ठ पोलीस निरीक्षक गणपतराव पिंगळे यांनी मार्गदर्शन केले व उपस्थितांना रमजानच्या शुभेच्छा दिल्या. या वेळी ठाणे जिल्हा अल्संख्यांक उपाध्यक्ष सोहेल गांग्रेकरही उपस्थित होते.

गावात हिंदू-मुस्लिम एकत्र गुण्यागोविंदाने सण साजरे करतात व एकमेकांच्या सणात सहभागी होतात. संपूर्ण भिवंडी तालुक्यात राष्ट्रीय एकात्मतेचे एक उत्तम उदाहरण म्हणजे कोनगाव, असे अनुउद्गार सरपंच डॉ. रुपाली अमोल कराळे यांनी आपल्या भाषणात केले.


Labels:

Post a Comment

statcounter

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget