मागचा आठवड्यात अदानी ग्रुपच्या मालकीच्या मुद्रा पोर्टवर डायरेक्टर ऑफ रेव्हिन्यू इंटेलिजन्स ने रूटिन चेकिंगमध्ये पाहिले असता तीन हजार किलो मादक पदार्थ आढळून आले. देशात आतापर्यंत मादक पदार्थांचा एवढा मोठा साठा कधीच सापडला नव्हता. देशाच्या तरूण पिढीला मादक पदार्थाच्या सापळ्यात अडकवून पिढीची पिढी नासविण्याचे विजयवाडा येथील कंपनीचे षडयंत्र उघडे करून त्याची माहिती देशासमोर ठेवणे सरकारचे कर्तव्य आहे. मात्र काही ग्राम मादक पदार्थ सापडल्यामुळे अभिनेता सुशांतसिंह राजपूतची प्रेयसी रिहा चक्रबर्ती हिला तुरूंगात डांबण्यात आले होते आणि महिनाभर तिचा मीडिया ट्रायल करण्यात आला होता. आज तीन हजार किलो मादक पदार्थ मिळूनसुद्धा मीडियामध्ये स्मशान शांतता आहे. हाच भेदभाव देशाला खड्ड्यात घालण्यासाठी पुरेसा आहे. विशेष म्हणजे या कंटेनरमध्ये टॅलकम पावडर असल्याची हास्यास्पद माहिती देण्यात आली. जिच्यावर विश्वास ठेवणे कठीण आहे. लवकर या संदर्भात देशासमोर विस्ताराणे माहिती मांडली गेली पाहिजे.
Post a Comment