शोधन चे स्तंभलेखक सुनीलकुमार सरनाईक यांना पी.एचडी. जाहीर

कोल्हापूर 

येथील करवीर काशी फौंडेशनचे अध्यक्ष, भारत सरकारच्या स्वामी विवेकानंद राष्ट्रीय पुरस्काराचे मानकरी, लोककलेचे अभ्यासक सुनीलकुमार वसंतराव सरनाईक यांनी शिवाजी विद्यापीठ कोल्हापूरच्या वृत्तपत्रविद्या व जनसंवाद विभागातून पी.एचडी. पदवी संपादन केली. त्यांनी "भजनी मंडळे : एक जनसंवाद माध्यम - विश्लेषणात्मक अभ्यास" (Bhajani Mandal's: Media of Mass Communication - An Analytical Study) या विषयावरील संशोधनात्मक प्रबंध सादर केला. त्यांना प्रा. डॉ. प्रताप पाटील यांचे मार्गदर्शन लाभले. वृत्तपत्रविद्या व जनसंवाद विभागप्रमुख प्रा. डॉ. निशा मुढे-पवार, प्रा. डॉ. विश्वनाथ शिंदे, प्रा. डाॅ.नौशाद मुजावर, नंदकुमार देसाई यांचे सहकार्य लाभले. 

सुनीलकुमार सरनाईक यांना बाळशास्त्री जांभेकर दर्पण पत्रकार पुरस्काराने, तसेच ज्येष्ठ पत्रकार ग. गो. राजाध्यक्ष पत्रकार पुरस्काराने सन्मानित करण्यात आले आहे. एम. जे. परीक्षेत प्रथम क्रमांकाने उत्तीर्ण झालेबद्दल ज्येष्ठ पत्रकार बापूसाहेब दप्तरदार पारितोषिकाचे ते मानकरी ठरले आहेत. त्यांची माणसं मनातली, रोखठोक, जोतिबा: एक लोकदैवत, ग्राहक जागर, कृपावंत, स्मरणगाथा, महाराष्ट्राच्या पुरोगामी पाऊलखुणा आदी पुस्तके प्रकाशित झाली आहेत.

सध्या ते 'करवीर काशी' या वृत्तपत्राचे संपादक असून साप्ताहिक 'शोधन'मध्ये त्यांचे निरंतर लेख प्रकाशित होत असतात. संपूर्ण महाराष्ट्रात त्यांचा शोधनच्या माध्यमातून मोठा वाचकवर्ग आहे. वाचकांतर्फे त्यांनी संपादन केलेल्या अभूतपूर्व यशाबद्दल त्यांच्यावर अभिनंदनाचा वर्षाव होत आहे. त्यांना पी.एचडी. पदवी मिळाल्याबद्दल शोधन परिवारातर्फे हार्दिक अभिनंदन!