अॅड. गुणरत्न सदावर्ते ह्यांच्यावर धार्मिक भावना भडकवल्याबद्दल गुन्हा दाखल करण्याची मागणी

नाशिक (शकील शेख, येवला)

दिनांक 29/01/2023 रोजी मुंबई येथे काढण्यात आलेल्या हिंदू जागर मोर्चा मध्ये सामील असलेले अॅडवोकेट गुणरत्न सदावर्ते यांनी मुस्लिम धर्माच्या धार्मिक भावना दुखावण्याचा हेतूपुरस्सर प्रयत्न केला तसेच सर्व धर्मीयांचे आदरस्थान असलेले अजमेर येथील सुफी संतख्वाजा गरीब नवाज यांच्याविषयी अपमानजनक शब्दांचा वापर केला तसेच भारतरत्न डॉ. बाबासाहेब आंबेडकर यांच्यामुखी मुस्लिम द्वेष शब्द टाकून संविधानाचे संस्थापक डॉ. बाबासाहेब आंबेडकर यांच्या विचारांचा सुद्धा अपमान करण्याचा धार्मिक द्वेष मनात ठेवून हिंदू मुस्लिम दंगल लावण्याचे हेतूने विकृत मानसिकेतून द्वेष निर्माण करण्याचा प्रयत्न केला.

जवळच्याच काळात माननीय सर्वोच्च न्यायालयाने अशा प्रकारचे हेट स्पीच देणाऱ्यांवर कठोर कारवाई करण्यात यावी असे आदेश देण्यात आले आहे. तसेच भारतीय संविधानानुसार धार्मिक द्वेष निर्माण करणे महापुरुषांचा अपमान करणे अशा प्रकारचा गुन्हा अॅड. गुणरत्न सदावर्ते यांच्यावर दाखल करण्यात यावा असे निवेदन मुस्लिम आरक्षण संघर्ष समिती व सकल मुस्लिम युवक महाराष्ट्र यांच्या मार्फत भद्रकाली पोलिस स्टेशनचे वरिष्ठ पुलिस निरीक्षक यांना देण्यात आले.

त्या वेळी मुस्लिम आरक्षण संघर्ष समितीचे अजीज पठाण, रशीद चांद, मुखतार शेख, इब्राहिम अत्तार, ईमरान तांबोळी, अकील खान, रफिक साबीर, फिरोज मंसुरी व सकल मुस्लिम युवक महाराष्ट्राचे नाशिक शहर संघटक फहिम शेख हे उपस्थित होते.